الجاسوس الإسرائيلى يخطب فى المسجد وسيناريو من هو ???

الجاسوس الإسرائيلى يخطب فى المسجد وسيناريو من هو ???

ايلان تشايم جرابيل

لن تصدق حين تعلم أن الجاسوس الاسرائيلى "ايلان تشايم جرابيل" قد تقمص شخصية إمام مسجد وخطب الموجودين كما يتضح فى الصورة أمامك ولذلك قررنا عمل مداخلى خاصة مع الشباب عن رئيهم فى تقاصيل القبض على الجاسوس الإسرائيلى وعن نوعية التفكير والتخطيط الخاص به لاستهداف مصر وجائت الاراء مختلفة ولكن كان اقربهم الى الواقع هذا الرأى نطرحه لكم وننتظر تفاعلكم ومشاركتكم :

-السيناريو الاول انه عيل سيس...

عيل اسرائيلى سيس شارك فى حرب لبنان و اتصاب فيها سنه 2006..بعد ما خرج من الجيش اشتغل مراسل صحفى و لما الثوره قامت فى مصر قرر ينزل يعمل شويه ريبورتات و يتصور و يروش..تخيلوا مصور اسرائيلى يجيله الجراه يتجول فى الشوارع المصريه بعد الثوره و هوا معاه جواز سفر اسرائيلى..و ما لوش اى علاقه بالموساد يعنى ما فيش تامين ليه و بيمشى فى شوارع مصر على مسئوليته و بدماغه..شوارع مصر اللى المصريين كانوا خايفين يمشوا فيها و اللى لو اتمسك واحد و اتقال عليه حزب وطنى كان بيموت ضربا بالشباشب..ييجى سائح اسرائيلى كان ظابط سابق فى الجيش (يعنى فاهم الوضع كويس) و يقرر انه يلف فى الشوارع و يعمل شويه ريبورتات صحفيه و يتصور شويه صور...لو هوا فعلا عيل سيس و جاى يتفسح و يتصور فى الثوره يبقى عيل مجنون و اهبل رسمى و شايف انه سيناريو غريب جدا و اشد غرابه من فكره الجاسوس...

2-سيناريو انه جاسوس

جاسوس اسرائيلى نازل مصر بعد الثوره لجمع المعلومات و تنفيذ مهام معينه تتعلق باشعال مشاكل او تنفيذ عمليات تخريبيه..ايه احسن غطاء ممكن ينزل تحته..ينزل بشخصيه مصرى..لكنته و شكله هايفضحوه و الاحداث محتاجه حد عايش فى مصر من زمان..هاينزل فى شخصيه رجل اعمال..هاتكون تحركاته محدوده و متكتفه و الفقراء هاياخدوا منه موقف..ايه احسن غطاء ليه..بالمنطق و العقل مراسل صحفى ضمن الاف المراسلين اللى نازلين مصر..واحد متنكر فى شكل مراسل صحفى يبقى لازم هايتصور مع الناس كلها و يعمل الاف الصور..و لاستكمال مصداقيه الشخصيه يبقى عنده صفحه على الفيس بوك (كاى مراسل ده نازل يقابل ملوك الفيس و لو قال انه ما عندوش صفحه العيال ممكن ترفض تسلم عليه اساسا)..فكل ما حدث منه يقبل تفسير انها تغطيه...

نرجع لجزء مهم و خطير..رد فعل الموساد..تتوقعوا رد فعل الموساد ايه لو هوا سائح اسرائيلى مظلوم و رد فعله ايه لو هوا جاسوس و سقط فعلا...

اتوقع ان رد فعل الموساد لو الواد ده جاسوس فعلا هايكون التعامل ببرود مع الموضوع و تجاهل التركيز على القصه فى الاول لنفى اهميته و كلام من بعيد لبعيد على ان الراويه غير صحيحه و المصريين بيالفوا..لو الولد ده مواطن اسرائيلى عادى مش جاسوس رد فعلهم هايكون عنيف جدا من الاول و هايصوتوا عليه و يدخلوا الصغير و الكبير لاخراجه من مصر كمواطن اسرائيلى مظلوم...هايتصرفوا بعنف و امريكا هاتدخل من اول يوم....